Fact Check: AI ಸಹಾಯದಿಂದ ಮಾಡಿದ ಸುಂದರ ಪಕ್ಷಿಗಳ ವೀಡಿಯೊ ನಿಜವೆಂದು ವೈರಲ್

ಸುಂದರವಾದ ಪಕ್ಷಿಗಳ ವೀಡಿಯೊವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಈ ವೀಡಿಯೊದಲ್ಲಿ ಕಂಡುಬರುವ ಪಕ್ಷಿಗಳ ತಲೆಯ ಮೇಲೆ ಟೋಪಿಗಳಿವೆ. ವಿಶಿಷ್ಟ ನೋಟವನ್ನು ಹೊಂದಿರುವ ಅವುಗಳ ಗರಿಗಳ ಮೇಲೆ ಮಣಿಗಳನ್ನು ಅಲಂಕರಿಸಿರುವುದನ್ನು ಕಾಣಬಹುದು. ಕೊಕ್ಕು ಮತ್ತು ಕುತ್ತಿಗೆಗೆ ಬೆಳ್ಳಿಯ ಅಲಂಕಾರಗಳಿವೆ. ಬಳಕೆದಾರರು ಈ ವೀಡಿಯೊವನ್ನು ನಿಜವಾದ ಪಕ್ಷಿಗಳೆಂದು ಭಾವಿಸಿ ಹಂಚಿಕೊಳ್ಳುತ್ತಿದ್ದಾರೆ.

ಫೇಸ್​ಬುಕ್ ಬಳಕೆದಾರರೊಬ್ಬರು ಈ ವೀಡಿಯೊವನ್ನು ಹಂಚಿಕೊಂಡು, ‘‘ಪ್ರಕೃತಿಯ ಶೃಂಗಾರ. ದೇವರು ಈ ಪಕ್ಷಿಯನ್ನು ಸಂಪೂರ್ಣ ಬಿಡುವಿನ ವೇಳೆಯಲ್ಲಿ ಸೃಷ್ಟಿಸಿರಬೇಕು. ನನ್ನ ಪ್ರಕಾರ ಇದೇ ಜಗತ್ತಿನ ಅತಿ ಸುಂದರವಾದ ಪಕ್ಷಿ’’ ಎಂದು ಬರೆದುಕೊಂಡಿದ್ದಾರೆ.

ಇದೇ ರೀತಿಯ ಹೇಳಿಕೆಯೊಂದಿಗೆ ವೈರಲ್ ಆಗುತ್ತಿರುವ ವೀಡಿಯೊವನ್ನು ನೀವು ಇಲ್ಲಿ, ಇಲ್ಲಿ ನೋಡಬಹುದು.

Fact Check:

ನ್ಯೂಸ್ ಮೀಟರ್ ತನ್ನ ತನಿಖೆಯಲ್ಲಿ ವೈರಲ್ ವೀಡಿಯೊಗೆ ಸಂಬಂಧಿಸಿದಂತೆ ಮಾಡಲಾಗುತ್ತಿರುವ ಹಕ್ಕು ಸುಳ್ಳು ಎಂದು ಕಂಡುಹಿಡಿದಿದೆ. ವಾಸ್ತವವಾಗಿ, ವೀಡಿಯೊದಲ್ಲಿ ಕಂಡುಬರುವ ಪಕ್ಷಿಗಳು ನಿಜವಲ್ಲ, ಇದನ್ನು AI ಅಂದರೆ ಕೃತಕ ಬುದ್ಧಿಮತ್ತೆಯ ಸಹಾಯದಿಂದ ರಚಿಸಲಾಗಿದೆ.

ಇದನ್ನು ಖಚಿತ ಪಡಿಸಲು ನಾವು ಎಐ ಫೋಟೋ-ವೀಡಿಯೊವನ್ನು ಗುರುತಿಸುವ ಟೂಲ್ ‘ಹೈವ್ ಮಾಡರೇಶನ್’ ನಲ್ಲಿ ವೀಡಿಯೊವನ್ನು ಅಪ್‌ಲೋಡ್ ಮಾಡಿದ್ದೇವೆ. ಇದರಲ್ಲಿ, ವೀಡಿಯೊವನ್ನು 88.3 ಪ್ರತಿಶತ AI ನಿಂದ ಮಾಡಲಾಗಿದೆ ಎಂದು ಹೇಳಲಾಗಿದೆ.

ಹಾಗೆಯೆ ನಾವು ವೀಡಿಯೊಗಳ ಸ್ಕ್ರೀನ್‌ಶಾಟ್‌ಗಳನ್ನು ತೆಗೆದುಕೊಂಡಿದ್ದೇವೆ ಮತ್ತು AI ಟೂಲ್ ಸೈಟ್ ಎಂಜಿನ್ ಸಹಾಯದಿಂದ ಅವುಗಳನ್ನು ಹುಡುಕಿದ್ದೇವೆ. ಆಗ ಬಂದ ಮಾಹಿತಿಯ ಪ್ರಕಾರ, ಇದು 99 ಪ್ರತಿಶತ AI ರಚಿತವಾಗಿದೆ ಎಂಬುದು ತಿಳಿಯಿತು.

ಹೀಗಾಗಿ ಪಕ್ಷಿಗಳ ವೈರಲ್ ವೀಡಿಯೊಗೆ ಸಂಬಂಧಿಸಿದಂತೆ ವೈರಲ್ ಆಗುತ್ತಿರುವ ಹಕ್ಕು ಸುಳ್ಳು ಎಂದು ನ್ಯೂಸ್ ಮೀಟರ್ ತನ್ನ ತನಿಖೆಯಲ್ಲಿ ಕಂಡುಕೊಂಡಿದೆ. ವಾಸ್ತವವಾಗಿ, ವೀಡಿಯೊದಲ್ಲಿ ಕಂಡುಬರುವ ಪಕ್ಷಿಗಳು ನಿಜವಲ್ಲ, ಅವುಗಳನ್ನು ಕೃತಕ ಬುದ್ಧಿಮತ್ತೆಯ ಸಹಾಯದಿಂದ ಮಾಡಲಾಗಿದೆ ಎಂದು ನಾವು ಹೇಳುತ್ತೇವೆ.