Fact Check: ಕಾಂಗ್ರೆಸ್, ಗಾಂಧಿ ಕುಟುಂಬ ಭಾರತವನ್ನು ಲೂಟಿ ಮಾಡುತ್ತಿದೆ ಎಂದು ತಿರುಚಲಾದ ಕಾರ್ಟೂನ್ ಒಂದನ್ನು ಹರಡಲಾಗಿದೆ.

ಹೈದರಾಬಾದ್: ಕಾಂಗ್ರೆಸ್ ಪಕ್ಷ ಮತ್ತು ಗಾಂಧಿ ಕುಟುಂಬವನ್ನು ಕೆಟ್ಟದಾಗಿ ತೋರಿಸುವ ಕಾರ್ಟೂನ್ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.

ಕಾರ್ಟೂನ್‌ನಲ್ಲಿ ಕಾಂಗ್ರೆಸ್ ಪಕ್ಷವು ಭಾರತದ ನಕ್ಷೆಯ ಆಕಾರದ ಎಲೆಯನ್ನು ತಿನ್ನುವ ಹಸು ಎಂದು ತೋರಿಸಲಾಗಿದೆ. ಹಸುವಿನ ಮಲವಿಸರ್ಜನೆ ಭಾರತೀಯ ಜನರು ಎಂದು ಗುರುತಿಸಲಾದ ಬಕೆಟ್‌ಗೆ ಹೋಗುತ್ತದೆ ಮತ್ತು ಅದರ ಹಾಲು ಗಾಂಧಿ ಕುಟುಂಬಕ್ಕೆ ಗುರುತಿಸಲಾದ ಮತ್ತೊಂದು ಬಕೆಟ್‌ಗೆ ಹೋಗುತ್ತದೆ.

"ಅಮೇರಿಕನ್ ಕಾರ್ಟೂನಿಸ್ಟ್ ಬೆನ್ ಗ್ಯಾರಿಸನ್ ಅವರ ಕೈಯಲ್ಲಿ ಅರಳಿದ ಭಾರತದ ಚಿತ್ರಣ, ಕಾಂಗ್ರೆಸ್ ಭಾರತವನ್ನು ಹೇಗೆ ಆಳಿತು ಎಂಬುದನ್ನು ಇದು ಉತ್ತಮ ರೀತಿಯಲ್ಲಿ ತೋರಿಸುತ್ತದೆ" ಎಂಬ ಶೀರ್ಷಿಕೆಯೊಂದಿಗೆ ಪೋಸ್ಟ್ ಮಾಡಲಾಗಿದೆ.

ಗುರುಮೂರ್ತಿ ಎಂಬವರು ತಮ್ಮ X ಖಾತೆಯಲ್ಲಿ ಚಿತ್ರವನ್ನು ಹಂಚುತ್ತಾ "ನೆಹರೂ ಅವರಿಂದ ರಾಹುಲ್ ವರೆಗಿನ ಅಧಿಕಾರಾವಧಿಯನ್ನು ಇದಕ್ಕಿಂತ ಉತ್ತಮವಾಗಿ ಚಿತ್ರಿಸಲಾಗಲಿಲ್ಲ " ಎಂದು ಬರೆದಿದ್ದಾರೆ.

ಪ್ರಸ್ತುತ ಕಾರ್ಟೂನ್ ಅನ್ನು ಸಂಪಾದಿಸಲಾಗಿದೆ ಎಂದು ನಾವು ಕಂಡುಕೊಂಡಿದ್ದೇವೆ; ಅದರ ಮೂಲ ಆವೃತ್ತಿಯಲ್ಲಿ ಭಾರತವನ್ನು ವಿದೇಶಿ ಹೂಡಿಕೆದಾರರು 'ಲೂಟಿ' ಮಾಡುತ್ತಿದ್ದಾರೆ ಎಂದು ತೋರಿಸುತ್ತದೆಯೇ ಹೊರತು 'ಗಾಂಧಿ ಕುಟುಂಬ' ಎಂದು ಕಾಣಲಾಗದು.

ರಿವರ್ಸ್ ಇಮೇಜ್ ಹುಡುಕಾಟದ ನಂತರ, ಫೆಬ್ರವರಿ 2021 ರಲ್ಲಿ

X ಬಳಕೆದಾರರು ಒಬ್ಬರು ಪೋಸ್ಟ್ ಮಾಡಿದ ಅದೇ ಕಾರ್ಟೂನ್ ಅನ್ನು ನಾವು ಕಂಡುಕೊಂಡಿದ್ದೇವೆ.

ಆದಾಗ್ಯೂ, ಕಾಮೆಂಟ್‌ಗಳಲ್ಲಿ, ವ್ಯಕ್ತಿಯೊಬ್ಬರು 2015 ರ ಫೇಸ್‌ಬುಕ್ ಪೋಸ್ಟ್‌ನ ಸ್ಕ್ರೀನ್‌ಗ್ರಾಬ್ ಅನ್ನು ಹಂಚಿಕೊಂಡಿದ್ದಾರೆ. ಅದರಲ್ಲಿ ಬೇರೆಯೇ ಕಾರ್ಟೂನ್ ಇದೆ. ಅದು ಭಾರತ ಸರ್ಕಾರದ 'ಮೇಕ್ ಇನ್ ಇಂಡಿಯಾ' ಯೋಜನೆಯನ್ನು ಟೀಕಿಸುತ್ತಿದೆ ಹೊರತು ಗಾಂಧಿ ಕುಟುಂಬವನ್ನಲ್ಲ. ಇದು ವ್ಯಂಗ್ಯಚಿತ್ರದ ಮೂಲ ಆವೃತ್ತಿಯಾಗಿದ್ದು, ಇದರ ಕರ್ತೃ ಬೆನ್ ಗ್ಯಾರಿಸನ್ ಅಲ್ಲ. 2015 ರಲ್ಲಿ ಅಮಲ್ ಮೇಧಿ ಎಂಬವರು ಬಿಜೆಪಿಯನ್ನು ಗುರಿಯಾಗಿಸಿಕೊಂಡು ರಚಿಸಿದ್ದಾರೆ ಎಂದು ಬಳಕೆದಾರರು ಹೇಳಿದ್ದಾರೆ.

ಎರಡು ಆವೃತ್ತಿಗಳ ಹೋಲಿಕೆ ಇಲ್ಲಿದೆ.

ಚಿತ್ರಕಾರ ಅಮಲ್ ಮೇಧಿ ಸಹಿಯನ್ನು ಒಳಗೊಂಡ ಎರಡನೇ ಆವೃತ್ತಿಯಲ್ಲಿ, 'ವಿದೇಶಿ ಹೂಡಿಕೆದಾರರಿಗೆ' ಎಂಬ ಹೆಸರಿನ ಬಕೆಟ್‌ಗೆ 'ಮೇಕ್ ಇನ್ ಇಂಡಿಯಾ' ಎಂಬ ಹೆಸರಿನ ಹಸುವು ಹಾಲು ಸರಬರಾಜು ಮಾಡುತ್ತಿರುವುದನ್ನು ಕಾಣಬಹುದು.

ಮೂಲ ಕಾರ್ಟೂನ್ ಎಂದು ಹೇಳಲಾದ ಎರಡನೇ ಆವೃತ್ತಿಯ ಚಿತ್ರಕಾರರನ್ನು ಕಂಡುಹಿಡಿಯಲು ನಾವು ಹುಡುಕಾಡಿದಾಗ ಅಮಲ್ ಮೇಧಿ ಅವರ ಫೇಸ್‌ಬುಕ್ ಖಾತೆ ದೊರೆಯಿತು. ಮಾರ್ಚ್ 28, 2024 ರಂದು ಮೇಧಿ ಅವರು ತಮ್ಮ ಫೇಸ್‌ಬುಕ್ ಖಾತೆಯಲ್ಲಿ ಸಂಪಾದಿಸಲಾದ ಮತ್ತು ಮೂಲ ಆವೃತ್ತಿಯನ್ನು ಹಂಚಿಕೊಂಡು, "ಕಳೆದ ಒಂಬತ್ತು ವರ್ಷಗಳಿಂದ ಎರಡೂ ಚಿತ್ರಗಳು ಸಾಮಾಜಿಕ ಮಾಧ್ಯಮದಲ್ಲಿ ಹರಿದಾಡುತ್ತಿವೆ" ಎಂಬ ಶೀರ್ಷಿಕೆಯೊಂದಿಗೆ ಪೋಸ್ಟ್ ಮಾಡಿದ್ದಾರೆ. ತಮ್ಮ ಕಾರ್ಟೂನ್‌ನಿಂದ ಹಣ ಸಂಪಾದಿಸಿಲ್ಲ ಎಂದೂ ಅವರು ಉಲ್ಲೇಖಿಸಿದ್ದಾರೆ.

ಮೇಧಿ ಅವರ ಹೇಳಿಕೆಗಾಗಿ ನ್ಯೂಸ್ ಮೀಟರ್ ಅವರನ್ನು ಸಂಪರ್ಕಿಸಿದೆ. ಅವರ ಪ್ರತಿಕ್ರಿಯೆ ಬಂದ ನಂತರ ಈ ಬಗ್ಗೆ ಹೆಚ್ಚು ಮಾಹಿತಿ ಲಭ್ಯವಾಗಲಿದೆ.

ನಾವು ಬೆನ್ ಗ್ಯಾರಿಸನ್ ಅವರ X ಖಾತೆಯನ್ನೂ ನೋಡಿದೆವು. 2017 ರ ಪೋಸ್ಟ್‌ನಲ್ಲಿ, ಬೆನ್ ಅವರು ಭಾರತೀಯ ರಾಜಕೀಯದ ಮೇಲೆ ಎಂದಿಗೂ ಕಾರ್ಟೂನ್‌ಗಳನ್ನು ಚಿತ್ರಿಸಿಲ್ಲ ಎಂದು ಸ್ಪಷ್ಟಪಡಿಸಿರುತ್ತಾರೆ.

ಈ ವಿಷಯದಲ್ಲಿ ಬಂದ ಕಾರ್ಟೂನ್‌ಗಳು ಅವರದ್ದಲ್ಲ ಎಂದು ಅವರು ಹೇಳಿದ್ದಾರೆ. ಅವರ ವೆಬ್‌ಸೈಟ್ ಈ ಹೇಳಿಕೆಯನ್ನು ದೃಢಪಡಿಸಿದೆ, ಏಕೆಂದರೆ ವೈರಲ್ ಆದ ಕಾರ್ಟೂನ್ ಸೇರಿದಂತೆ ಭಾರತೀಯ ರಾಜಕೀಯದ ಯಾವುದೇ ಕಾರ್ಟೂನ್‌ಗಳನ್ನು ಅವರು ಹೊಂದಿಲ್ಲ.

ಆದ್ದರಿಂದ, ಗಾಂಧಿ ಕುಟುಂಬವನ್ನು ಭಾರತದ ಲೂಟಿಕೋರರು ಎಂದು ತೋರಿಸುವ ವೈರಲ್ ಕಾರ್ಟೂನ್ ಅನ್ನು ಎಡಿಟೆಡ್ ಎಂದು ನಾವು ತೀರ್ಮಾನಿಸುತ್ತೇವೆ. ಮೂಲ ಆವೃತ್ತಿಯಲ್ಲಿ, ಚಿತ್ರಕಾರರು ಸರ್ಕಾರದ 'ಮೇಕ್ ಇನ್ ಇಂಡಿಯಾ' ಯೋಜನೆಯನ್ನು ಟೀಕಿಸಿದ್ದರು.