Fact Check: ಬಕ್ರೀದ್ ಸಂಬಂಧಿಸಿದ ವೈರಲ್ ಪೋಸ್ಟ್ ಧ್ರುವ ರಾಠೀ ಅವರದ್ದಲ್ಲ!

"ಧ್ರುವ ರಾಠೀ ಹೇಳಿದರು: 200 ಮಿಲಿಯನ್ ಮುಸ್ಲಿಮರು ನಿನ್ನೆ ಈದ್ ಆಚರಿಸಿದರು, ಬಡವರು ಮತ್ತು ನಿರ್ಗತಿಕರಿಗೆ ಮಾಂಸವನ್ನು ವಿತರಿಸಿದರು, ಅವರ ಸಂಬಂಧಿಕರನ್ನು ಭೇಟಿ ಮಾಡಿದರು, ಕೆಲವು ಅದ್ಭುತ ಆಹಾರವನ್ನು ಸೇವಿಸಿದರು, ಮಕ್ಕಳಿಗೆ ಈದಿ ನೀಡಿ ಅವರನ್ನು ಸಂತೋಷಪಡಿಸಿದರು. ಅವರಲ್ಲಿ ಯಾರೂ ಕುಡಿದು ಒಬ್ಬರ ಪೂಜಾ ಸ್ಥಳಗಳಿಗೆ ಹೋಗಿ ಕುಣಿಯಲಿಲ್ಲ" ಎಂದು ಬರೆಯಲಾದ ಪೋಸ್ಟರ್ ಒಂದನ್ನು ಫೇಸ್ಬುಕ್ ಬಳಕೆದಾರರೊಬ್ಬರು ಹಂಚಿಕೊಂಡಿದ್ದಾರೆ

.

ಈ ಸುದ್ದಿ ಸುಳ್ಳು ಎಂದು ನಾವು ಕಂಡುಹಿಡಿದಿದ್ದೇವೆ. ಧ್ರುವ ರಾಠೀ ಅವರು ಅಂತಹ ಯಾವುದೇ ಪೋಸ್ಟ್ ಮಾಡಿಲ್ಲ.

ಕೀವರ್ಡ್ ಹುಡುಕಾಟ ನಡೆಸಿದಾಗ, ಜೂನ್ 18, 2024 ರಂದು ಪೋಸ್ಟ್ ಮಾಡಲಾದ ಧ್ರುವ ರಾಠೀ ಹೆಸರಿನ X ಅಣಕ ಖಾತೆಗೆ ನಮಗೆ ದೊರಕಿತು. ಪೋಸ್ಟರ್‌ನಲ್ಲಿರುವ ವಿಷಯವನ್ನು ಈ ಖಾತೆಯಿಂದ ಪೋಸ್ಟ್ ಮಾಡಲಾಗಿದೆ.

ಆ ಖಾತೆಯ ಬಯೋ ದಲ್ಲಿ ಈ ರೀತಿ ಕಾಣಬಹುದು: "ಇದು ಅಭಿಮಾನಿ ಮತ್ತು ಅಣಕ ಖಾತೆ ಮತ್ತು ಧ್ರುವ ರಾಠೀ ಅವರ ಮೂಲ ಖಾತೆಯೊಂದಿಗೆ ಸಂಬಂಧ ಹೊಂದಿಲ್ಲ. ಯಾರನ್ನೂ ಸೋಗು ಹಾಕುತ್ತಿಲ್ಲ. ಈ ಖಾತೆಯು ವಿಡಂಬನೆಯಾಗಿದೆ." ಖಾತೆಯನ್ನು ಅಕ್ಟೋಬರ್ 2014 ರಲ್ಲಿ ರಚಿಸಲಾಗಿದೆ ಮತ್ತು 43.4K ಅನುಯಾಯಿಗಳನ್ನು ಹೊಂದಿದೆ.

ಅಣಕ ಖಾತೆಯ ಪ್ರೊಫೈಲ್ ನಲ್ಲಿ ಯೂಟ್ಯೂಬರ್ ಧ್ರುವ ರಾಠೀ ಖಾತೆಯಂತೆಯೇ ಅದೇ ಕವರ್ ಚಿತ್ರಗಳನ್ನು ಬಳಸಲಾಗಿದೆ. ಖಾತೆಯ ಹೆಸರಿನ‌ ಮುಂದೆ ಆವರಣದಲ್ಲಿ ಅಣಕ ಖಾತೆ ಎಂದು ಬರೆದಿರುವುದರಿಂದ ಅದು ಮೂಲ ಖಾತೆಯಲ್ಲ ಎಂಬುದು ಸ್ಪಷ್ಟವಾಗುತ್ತದೆ.

ಹೆಚ್ಚುವರಿಯಾಗಿ, 2.6 ಮಿಲಿಯನ್ ಅನುಯಾಯಿಗಳನ್ನು ಹೊಂದಿರುವ ಧ್ರುವ ರಾಠೀ ಅವರ ಅಧಿಕೃತ ಖಾತೆಯ ಪೋಸ್ಟ್‌ಗಳನ್ನು ಸಹ ನಾವು ಪರಿಶೀಲಿಸಿದ್ದೇವೆ. ಅಂತಹ ಯಾವುದೇ ಪೋಸ್ಟ್ ಅನ್ನು ಅಧಿಕೃತ ಖಾತೆಯಿಂದ ಹಂಚಿಕೊಂಡಿಲ್ಲ. ಜೂನ್ 18 ರಂದು ಧ್ರುವ ರಾಠೀ ಅವರು"ರೈಲ್ವೆ ಸಚಿವರಿಗೆ ರೈಲು ಅಪಘಾತಗಳು ಮತ್ತು ರೈಲುಗಳಲ್ಲಿ ಜನದಟ್ಟಣೆಯನ್ನು ತಡೆಯಲು ಸಾಧ್ಯವಿಲ್ಲ, ಶಿಕ್ಷಣ ಸಚಿವರಿಗೆ ಪೇಪರ್ ಸೋರಿಕೆ ಮತ್ತು ಪರೀಕ್ಷೆಯ ಹಗರಣಗಳನ್ನು ತಡೆಯಲು ಸಾಧ್ಯವಿಲ್ಲ, ಗೃಹ ಸಚಿವರಿಗೆ ಭಯೋತ್ಪಾದಕ ದಾಳಿ ಮತ್ತು ಮಣಿಪುರ ಹಿಂಸಾಚಾರವನ್ನು ತಡೆಯಲು ಸಾಧ್ಯವಿಲ್ಲ" ಎಂದು ಪೋಸ್ಟ್ ಮಾಡಿದ್ದಾಗಿ ಕಾಣಬಹುದು.

ಆದ್ದರಿಂದ, ಈದ್ ಆಚರಣೆಗಳಿಗೆ ಸಂಬಂಧಿಸಿದಂತೆ ಧ್ರುವ ರಾಠೀ ಮಾಡಿದ್ದಾರೆ ಎಂದು ಹೇಳಲಾದ ಸಂದೇಶವು ಅಣಕ ಖಾತೆಯಿಂದ ಬಂದಿದೆಯೇ ಹೊರತು ಅಧಿಕೃತ ಖಾತೆಯಿಂದಲ್ಲ ಎಂದು ನಾವು ತೀರ್ಮಾನಿಸುತ್ತೇವೆ.