Fact Check: ఘటోత్కచుడి ఉనికిని చూపిస్తున్న భారీ కత్తి పురావస్తు తవ్వకాల్లో దొరికిందా? లేదు, ఇది ఏఐ చిత్రం...

ఫేస్‌బుక్‌లో ఈ ఫోటోని షేర్ చేస్తూ, "తెలియని పురావస్తు ప్రదేశంలో కనుగొనబడిన ఒక భారీ కత్తి, దాని పరిమాణం మరియు సంక్లిష్టమైన డిజైన్ కారణంగా ఏ ఘటోత్కచుడు ఉనికిని సూచిస్తుంది," అని క్యాప్షన్‌లో రాశారు. ఈ పోస్టుకి ఏడు లక్షల మందికి చూశారు, ఎనిమిది వేలకుపైగా లైకులు వచ్చాయి. (ఆర్కైవ్)

వైరల్ చిత్రాన్ని రివర్స్ ఇమేజ్ సెర్చ్ చేయగా, మరింత సమాచారం అందించే సంబంధిత దృశ్య సరిపోలికలు కనిపించలేదు. అయితే ఇదే ఫోటో వివిధ భాషల్లో క్లెయిమ్‌లతో సోషల్ మీడియాలో వైరల్ అవుతోందని కనుగొన్నాం. జాపనీస్, అరబిక్ (లింక్ 1, లింక్ 2), రష్యన్, ఇంగ్లీష్ (లింక్ 1, లింక్ 2, లింక్ 3), హిందీ, స్పానిష్, టర్కిష్ వంటి భాషలో ఉన్న క్లెయిమ్స్ కనుగొన్నాం.

ఈ పోస్టులలో కనిపిస్తున్నది అబ్రహమిక్ మతాలకు సంబంధించిన పవిత్ర గ్రంథాలో ప్రస్తావించబడిన ఆదాముకి చెందిన కత్తి యెమెన్ దేశంలో దొరికిందని ఒకరు క్లెయిమ్ చేస్తే, రష్యాకు చెందిన ఇలియా మురోమెట్స్ కత్తిని రష్యా పురావస్తు శాఖ కనుగొందని ఇంకొకరు రాశారు.

కాబట్టి, ఈ చిత్రాన్ని ఏఐతో రోపొందించారేమో అని Wasitai అనే ఏఐ సవరణలు గుర్తించే టూల్ ఉపయోగించాము. Wasitai ఈ చిత్రం లేదా దానిలోని ముఖ్యమైన భాగం ఏఐ ద్వారా సృష్టించబడిందని నిర్ధారించింది.

Sight Engine అనే మరొక ఏఐ సవరణలు గుర్తించే టూల్ ద్వారా ఈ చిత్రాన్ని పరిశీలించాం. 74 శాతం ఏఐ ఉపయోగించి తయారు చేసి ఉండే అవకాశం ఉంది అని ధృవీకరించింది.