Fact Check: ఆంధ్రప్రదేశ్ లో ఆంజనేయ స్వామి ఆలయ ధ్వంసం ఘటనను మతపరమైన కోణంలో వైరల్ చేస్తున్నారు
న్యూస్‌మీటర్ వైరల్ అవుతున్న వాదనలో ఎలాంటి నిజం లేదని కనుగొంది. హిందూ పూజారి వ్యక్తిగత వివాదాల కారణంగా ఆలయాన్ని ధ్వంసం చేశాడు.
By Newsmeter Network Published on 24 Oct 2024 5:07 AM GMT
Claim: ఆంద్రప్రదేశ్‌లోని హనుమాన్ ఆలయాన్ని ముస్లింలు ధ్వంసం చేశారని వీడియో చూపిస్తుంది.
Fact: వైరల్ అవుతున్నది అబద్ధం. ఆలయ ఆదాయాన్ని పంచుకునే వివాదంలో మరో హిందూ పూజారి ఆలయాన్ని ధ్వంసం చేశారు.
అక్టోబర్ 14న సికింద్రాబాద్‌లోని ముత్యాలమ్మ ఆలయంలోకి ఓ వ్యక్తి ప్రవేశించి విగ్రహాన్ని ధ్వంసం చేశారు. ఇందులో ప్రమేయం ఉన్న వ్యక్తిని 30 ఏళ్ల సల్మాన్ సలీం ఠాకూర్‌గా గుర్తించారు. ఆలయాన్ని అపవిత్రం చేయడం వల్ల నిందితులను కఠినంగా శిక్షించాలని డిమాండ్ చేస్తూ హిందూ సంఘాలు హైదరాబాద్ నగరంలో పెద్ద ఎత్తున నిరసనలకు దిగారు.
అయితే ఒక కొండ పక్కన దెబ్బతిన్న ఆలయం వీడియో వైరల్‌గా మారింది. లోపల ఉన్న విగ్రహాలు కూడా కూడా చెల్లాచెదురుగా పడి ఉండడం చూడవచ్చు. ఆంధ్రప్రదేశ్‌లోని చిత్తూరు జిల్లాలోని మొలకలచెరువులో హనుమాన్ ఆలయాన్ని ధ్వంసం చేసినట్లు వీడియోను షేర్ చేస్తున్న వారు పేర్కొన్నారు. ఈ ఘటనకు బాధ్యులు ముస్లిం సమాజానికి చెందినవారేనని ఆరోపించారు.
ఒక X వినియోగదారు వీడియోను షేర్ చేశారు “గుండె బద్ధలైంది. ఆంధ్రప్రదేశ్‌లోని చిత్తూరు జిల్లా మొలకలచెరువులోని హనుమాన్ ఆలయాన్ని కొందరు దుండగులు ధ్వంసం చేశారు. మతమార్పిడుల మాఫియా ఈ పనులు చేస్తూ తెలంగాణ, ఆంధ్రప్రదేశ్‌లో శాంతిభద్రతలకు విఘాతం కలిగిస్తోంది" అనే వాదనతో వీడియోను షేర్ చేశారు.
Fact Check
న్యూస్‌మీటర్ వైరల్ అవుతున్న వాదనలో ఎలాంటి నిజం లేదని కనుగొంది. హిందూ పూజారి వ్యక్తిగత వివాదాల కారణంగా ఆలయాన్ని ధ్వంసం చేశాడు.
వీడియో కీఫ్రేమ్‌లను తీసుకుని రివర్స్ ఇమేజ్ సెర్చ్‌ చేయగా.. వైరల్ వీడియో స్క్రీన్‌షాట్‌ను కలిగి ఉన్న తెలంగాణ టుడే నివేదికను మేము కనుగొన్నాము. ‘ఆంధ్రప్రదేశ్‌లోని ఆంజనేయ స్వామి ఆలయాన్ని కూల్చివేసినందుకు అర్చకుడి అరెస్ట్’ అనే శీర్షికతో ఆ నివేదిక వచ్చింది.
ఆంధ్రప్రదేశ్‌లోని అన్నమయ్య జిల్లాలోని అభయ ఆంజనేయ స్వామి ఆలయాన్ని ఆలయ ఆదాయాన్ని పంచుకోవడంపై పూజారితో జరిగిన గొడవ కారణంగా మరో ఆలయ పూజారి ఈ పనికి పాల్పడ్డాడని పోలీసులు తెలిపారు.
అన్నమయ్య జిల్లా పోలీసులు తమ ఫేస్‌బుక్ పేజీలో కేసుకు సంబంధించిన వివరాలను పంచుకున్నట్లు కూడా మేము కనుగొన్నాము. నిందితుడిని హరినాథ్ యాదవ్ అనే పూజారిగా గుర్తించారు. ఆలయ ఆదాయాన్ని పంచుకునే వివాదంపై అక్టోబర్ 14న హరినాథ్ మరో ఐదుగురితో కలిసి అభయ ఆంజనేయ స్వామి ఆలయాన్ని ధ్వంసం చేశారని పోలీసులు తెలిపారు.
చిత్తూరు జిల్లా పోలీసు సూపరింటెండెంట్ వి విద్యాసాగర్ నాయుడు ఈ సంఘటనలో మతపరమైన కోణం లేదని ఖండించారు. నిందితుడు హరినాథ్ యాదవ్‌ను అరెస్టు చేసినట్లు చెప్పారు.
చిత్తూరు పోలీసుల కథనం ప్రకారం, “అభయ ఆంజనేయ స్వామి ఆలయాన్ని ఆదాయాన్ని పొందేందుకు హరినాథ్ యాదవ్ ఆ ఆలయాన్ని తన ఆధీనంలోకి తీసుకోవాలని భావించాడు, కాని పూజారి విద్యాసాగర్ అంగీకరించలేదు. దీంతో ఆగ్రహించిన హరినాథ్ ఆలయాన్ని ధ్వంసం చేయాలని ప్లాన్ చేశాడు. నిందితుడు తన పథకం ప్రకారం అభయ ఆంజనేయ స్వామి ఆలయం కింద నిధి ఉందని ప్రచారం చేశాడు. ఒక వారం క్రితం, అతను ఇద్దరు వ్యక్తుల నుండి జిలెటిన్ స్టిక్స్ సేకరించాడు, ఆలయాన్ని పేల్చివేయడంలో విఫలమయ్యాడు." అని పోలీసులు తెలిపారు.
కేసుకు సంబంధించిన వివరాలను టైమ్స్ ఆఫ్ ఇండియా, NTV, ది హన్స్ ఇండియా కూడా నివేదించాయి. (Click here, here and here to access the report.)
అందువల్ల, వైరల్ అవుతున్న వాదనలో ఎలాంటి నిజం లేదని మేము నిర్ధారించాము. ఏపీలోని అభయ ఆంజనేయ స్వామి ఆలయ ధ్వంసం ఘటనలో ఎలాంటి మతపరమైన కోణం లేదు.
