Fact Check : అహ్మదాబాద్ విమాన ప్రమాద దృశ్యాలు? కాదు, ఇది ఢిల్లీలోని ద్వారకలో అపార్ట్‌మెంట్‌లో జరిగిన అగ్నిప్రమాదం
అహ్మదాబాద్‌లోని ఎయిర్ ఇండియా విమాన ప్రమాద స్థలం నుండి దృశ్యాలను చూపిస్తుందనే వాదనతో ఒక భవనం మంటల్లో చిక్కుకున్నట్లు చూపించే వీడియో సోషల్ మీడియాలో వైరల్ అవుతోంది.
By K Sherly Sharon
Claim:అహ్మదాబాద్‌లోని ఎయిర్ ఇండియా విమాన ప్రమాదం జరిగిన స్థలాన్ని చూపిస్తున్న వీడియో.
Fact:ఈ క్లెయిమ్ తప్పు. ఈ వీడియో జూన్ 10న ఢిల్లీలోని ద్వారకలోని షాబాద్ అపార్ట్‌మెంట్స్‌లో జరిగిన అగ్నిప్రమాదాన్ని చూపిస్తుంది.
ఒక ఇన్‌స్టాగ్రామ్ యూజర్ ఈ వీడియోను అహ్మదాబాద్ సంబంధిత హ్యాష్‌ట్యాగ్‌లతో షేర్ చేశారు. వీడియోపై “మనుషులు అలా కింద పడుతున్నారు చూడండి” అని రాసి ఉంది. (హిందీ నుండి అనువదించబడింది). (ఆర్కైవ్)
వీడియో కీ ఫ్రేమ్‌లను రివర్స్ ఇమేజ్ సెర్చ్‌ ద్వారా జూన్ 10న ది ఇండియన్ ఎక్స్‌ప్రెస్ ప్రచురించిన అదే వీడియో కనిపించింది. ఈ కథనం ప్రకారం, వీడియోలో MRV స్కూల్ సమీపంలోని ద్వారక సెక్టార్ 13లో ఉన్న షాబాద్ అపార్ట్‌మెంట్‌లో అగ్నిప్రమాదం జరిగింది. ఈ వీడియో ఆ అగ్నిప్రమాదానికి సంబంధించిన దృశ్యాలను చూపిస్తోంది.
జూన్ 10న టైమ్స్ నౌ, న్యూస్9 లైవ్, ఎన్డీటీవీ వంటి అనేక ఇతర మీడియా సంస్థలు ప్రచురించిన అదే దృశ్యాలను కూడా కనుగొన్నాం. ఢిల్లీలోని ద్వారకా సెక్టార్ 13లోని షాబాద్ అపార్ట్‌మెంట్‌లో భారీ అగ్నిప్రమాదం జరిగినట్లు వీడియో చూస్పిస్తోందని ఈ కథనాలు ధ్రువీకరించాయి.
జూన్ 11న ది ఇండియన్ ఎక్స్‌ప్రెస్ ప్రచురించిన కథనం ప్రకారం, జూన్ 10న జరిగిన భారీ అగ్నిప్రమాదం నుండి తప్పించుకోవడానికి 10వ అంతస్తులోని డ్యూప్లెక్స్ ఫ్లాట్ బాల్కనీ నుండి దూకి ఇద్దరు పిల్లలు సహా ఒకే కుటుంబానికి చెందిన ముగ్గురు సభ్యులు మరణించారు. ఈ సంఘటన ద్వారకా సెక్టార్ 13లోని షాబాద్ అపార్ట్మెంట్ అనే రెసిడెన్షియల్ సొసైటీలో జరిగింది.
ఈ సంఘటన గురించి టైమ్స్ ఆఫ్ ఇండియా, హిందూస్తాన్ టైమ్స్ కూడా కథనాలు ప్రచురించాయి.
