Fact check: పాకిస్థాన్ JF-17 యుద్ధ విమానాన్ని నదిలో కూల్చివేసిన భారత్? నిజం ఇక్కడ తెలుసుకోండి

హైదరాబాద్: సోషల్ మీడియా ప్లాట్‌ఫారమ్‌లలో ఇటీవల భారత్, పాకిస్థాన్‌ల మధ్య ఉద్రిక్తతల నడుమ, అనేక చిత్రాలు, వీడియోలు విపరీతంగా వైరల్ అవుతున్నాయి.

అలాంటి వైరల్ చిత్రంలో పాకిస్థాన్ జెండాతో ఉన్న ఒక కూలిపోయిన యుద్ధ విమానం కనిపిస్తుంది. దీన్ని పాకిస్థాన్ ఎయిర్ ఫోర్స్ విమానంగా చెబుతూ, భారత్‌ పహల్గామ్ ఉగ్రదాడి తర్వాత పాకిస్థాన్‌లో ఉగ్రవాద స్థావరాలను ధ్వంసం చేయడానికి చేపట్టిన ‘ఆపరేషన్ సిందూర్’కు ఆపాదించారు.

ఒక ఫేస్‌బుక్ యూజర్ ఈ చిత్రాన్ని షేర్ చేస్తూ, “భారత్ పాకిస్థాన్ యుద్ధ విమానాన్ని కూల్చివేసింది, అది పేలిపోయింది. JF-17 విమానం దెబ్బతిని నీటిలో పడిపోయింది”(sic) అని రాశారు.(Archive)

ఈ పోస్ట్‌లో పాకిస్థాన్ జెండాతో ఉన్న కూలిన విమానం చిత్రం ఉంది.

ఫ్యాక్ట్ చెక్:

న్యూస్‌మీటర్ నిర్వహించిన పరిశీలనలో ఈ వాదన తప్ప అని తేలింది. వైరల్ చిత్రం నిజానికి 2021లో చైనాలోని హెనాన్ ప్రావిన్స్‌లో జియాలు నదిలో కూలిన చైనాకు చెందిన J-10 యుద్ధ విమానాన్ని చూపిస్తుంది.

రివర్స్ ఇమేజ్ సెర్చ్ ద్వారా, 2021 అక్టోబర్ 23న డిఫెన్స్ బ్లాగ్ నివేదిక ఈ విమానం చైనా పీపుల్స్ లిబరేషన్ ఆర్మీ ఎయిర్ ఫోర్స్‌కు చెందిన J-10 అని, అది జియాలు నది ఒడ్డున నీటిలో కూలినట్లు తెలిపింది.

చైనా సోషల్ మీడియాలో వైరల్ అయిన వీడియోల ప్రకారం, ఈ విమానంలోని ఇద్దరు పైలట్లు సురక్షితంగా స్వల్ప గాయాలతో బయటపడ్డారు.

2021 అక్టోబర్ 23న తైవాన్ ఇంగ్లీష్ న్యూస్ నివేదిక ప్రకారం, తైవాన్‌లోని యునైటెడ్ డైలీ న్యూస్, లిబర్టీ టైమ్స్ పత్రికలు J-10S విమానం పైలట్లు బయటకు దూకి పారాచూట్‌తో నదిలోకి దిగిన తర్వాత, విమానం జియాలు నది ఒడ్డున కూలినట్లు తెలిపాయి.

వైరల్ చిత్రంలో కనిపిస్తున్న పాకిస్థాన్ జెండాను అసలు చిత్రంపై డిజిటల్‌గా జోడించారు. అసలు, నకలు చిత్రాలను పక్కపక్కన పోల్చినప్పుడు ఈ మార్పు స్పష్టమైంది.

అంతేకాదు, ‘ఆపరేషన్ సిందూర్’ సమయంలో పాకిస్థాన్ ఎయిర్ ఫోర్స్ విమానం కూలినట్లు ఎలాంటి విశ్వసనీయ నివేదికలు లేదా చిత్రాలు లభ్యం కాలేదు.

అందువల్ల, ఈ వాదన పూర్తిగా తప్పు. వైరల్ చిత్రం 2021లో చైనాలోని హెనాన్ ప్రావిన్స్‌లో జియాలు నదిలో కూలిన చైనా J-10 యుద్ధ విమానాన్ని చూపిస్తుంది. ఇది పాకిస్థాన్ ఎయిర్ ఫోర్స్ JF-17కు లేదా భారత్‌ ‘ఆపరేషన్ సిందూర్’కు ఎలాంటి సంబంధం లేదు.