சுட்டு வீழ்த்தப்பட்ட இரு ஹெலிகாப்டர்கள்; இஸ்ரேல் போரில் நடைபெற்றதா?

"ஹமாஸ் முழு ஆயத்துடனேயே போரை ஆரம்பித்துள்ளது. இது இஸ்ரேலிய விமானம் சூட்டு வீழ்த்தும் காட்சி" என்ற கேப்ஷனுடன் காணொலி ஒன்று சமூக வலைதளங்களில் வைரலாகி வருகிறது. அதில், இரு ஹெலிகாப்டர்கள் சுட்டு வீழ்த்தப்படும் காட்சி பதிவாகியுள்ளது.

வைரலாகும் காணொலி

Fact-check:

முதற்கட்டமாக இதுகுறித்து எக்ஸ் தளத்தில் தேடிய போது வைரலாகும் காணொலியின் ஆங்கிலப் பதிவில் சிலர் இது "Arma 3" என்ற கம்யூட்டர் கேம் என்று கமெண்ட் செய்திருந்தனர். இதனை அடிப்படையாகக் கொண்டு யூடியூபில் கீவர்ட் சர்ச் செய்து பார்த்தோம்.

Arma 3 என்று கமெண்ட் செய்துள்ள எக்ஸ் பயனர்

அப்போது, KazinkkaWarrior என்ற யூடியூப் சேனலில் "Two combat helicopters shot down by anti aircraft defense - Arma" என்ற தலைப்புடன் வைரலாகும் அதே காணொலி பதிவாகி இருந்தது. மேலும், அதன் டிஷ்க்ரிப்ஷன் பகுதியில், "இது உண்மை அல்ல, உருவாக்கப்பட்ட(Simulation) காணொலி மட்டுமே" என்று குறிப்பிடப்பட்டுள்ளது.

உருவாக்கப்பட்ட(Simulation) காணொலி என்று குறிப்பிடப்பட்டுள்ள யூடியூப் டிஷ்க்ரிப்ஷன்

Conclusion:

நம் தேடலின் முடிவாக ஹமாஸ் படையினர் இஸ்ரேலிய ராணுவ விமானத்தை சுட்டு வீழ்த்துவதாக வைரலாகும் காணொலி உண்மையில் Arma என்ற கம்யூட்டர் கேமில் வரும் காணொலி என்று ஆதாரப்பூர்வமாக நிரூபிக்க முடிகிறது.